هەر شەو ئەڕا چەوەیلد
تا سوو م پاسەوانم
باێە قۆشەیل نیەزانن
هەرچێ لە شەو م زانم
مانگە شەوەیل شمارم
کەێ قۆرس مانگ پەێا بوود
کەێ باڵ چەو هەڵاڵی
دەردد بخەم لە گیانم
تاگەر ت بۊد منیش هەم
تاگەر م بووم تووامەد
شەو تا سەحەر دۆعا کەم
تا مۊ بکەێ زووانم
هەر شەو لە هاودەنگی ت
بەزم خەێاڵەگانم
لەێوا خوەنم چمانێگ
یەکێ نییم دووانم
لە ناو شەوارەگاند
تا چادرێ م هەڵدام
لە ڕووژگار بەختم
هزار قەڵا ڕمانم
یەێ ڕووژ ئەگەر حەسۊدەیل
ئەڕا ت کۆت کۆتم کەن
خۊنم هەڵاڵد ئەێ دووس
هێمان ئەگەر جووانم
مۆرتزا مۆدەبر
شعر: مۆرتزا مۆدەبر
دکلمە: شادی کشاوەرز